அந்த காலம் முதல் நமது அம்மா அப்பா காலம் வரை எல்லோரும் தலைக்கு குளித்தால், தலைமுடி ஈரத்தை போக்குவதற்கு துணியால் நன்றாக துடைப்பார்கள். பெண்களாக இருந்தால், தலையை முதலில் துடைப்பார்கள், அதன்பிறகு நன்றாக துவட்டுவார்கள் அதன்பிறகு துணியை தலையில் கட்டிக் கொண்டு சில மணிநேரம் கழித்து துண்டை நீக்கிவிடுவார்கள். இதன்காரணமாக முடி உதிர்தலோ, முடி வறட்சியோ, பொடுகோ இல்லாமல் கூந்தல் ஆரோக்கியமாகவும், அழகாகவும், பளபளப்பாகவும், கவர்ச்சியாகவும் இருந்தது.
ஆனால், இன்றோ தலைக்கு குளித்தவுடன் தலைமுடியை உலர வைக்க ஹேர் டிரையர் ( Hair Dryer )ஐ பயன்படுத்துகிறார்கள். இது போன்றே ஹேர் டிரையர் ( Hair Dryer) ஐ அடிக்கடி உபயோகித்தால் தலைமுடி வறண்டு, முடியின் வேர்கள் பழுதடை ந்து விடும். அதிகம் வேதிப்பொருட்கள் நிறைந்த ஷாம்பூ மற்றும் ஹேர் கலர் உபயோகிப்பதை முற்றிலுமாக தவிர்த்து இயற்கையான வழிகளைப் பின்பற்றுவதே உங்கள் கூந்தலுக்கு மட்டுமல்ல உங்களின் உடல் ஆரோக்கியத்திற்கும் நல்லது.