மாலையில் வீட்டில் இருக்கும் குழந்தைகளுக்கு இந்த ஃபிங்கர் சிக்கனை செய்து கொடுக்கலாம். புலாவ், சாம்பார் சாதத்திற்கு ஃபிங்கர் சிக்கன் சூப்பரான சைடிஷ் ஆகும்.
மாலை நேர ஸ்நாக்ஸ் ஃபிங்கர் சிக்கன்
தேவையான பொருட்கள் :
எலும்பில்லாத சிக்கன் – 1/2 கிலோ
முட்டை – 1
தயிர் – 1 கப்
இஞ்சி – பூண்டு விழுது – 2 டீஸ்பூன்
மைதா – 1 கப்
பிரட் தூள் – 1 கப்
உப்பு – 1 டீஸ்பூன்
மிளகுத்தூள் – 1 டீஸ்பூன்
மிளகாய் தூள் – 1 டீஸ்பூன்
பேக்கிங் பவுடர் – 1 டீஸ்பூன்
கேசரி கலர் – சிறிதளவு
எண்ணெய் – தேவையான அளவு
செய்முறை :
* சிக்கனை நன்றாக சுத்தம் செய்து 1 இஞ்ச் நீளமான துண்டுகளாக வெட்டி கொள்ளவும்.
* ஒரு பாத்திரத்தில் முட்டையை உடைத்து ஊற்றி நன்கு அடித்துக் கொள்ளவும்.
* பின்னர் அதில் தயிர், இஞ்சி – பூண்டு விழுது, மிளகாய் தூள், உப்பு போட்டு கலக்கிக் கொள்ளவும்.
* அடுத்து அதில் சிக்கனை அந்த கலவையில் போட்டு பிரட்டி வைத்து, 3 மணிநேரம் ஃப்ரிட்ஜில் வைத்து ஊற வைக்கவும்.
* ஒரு கிண்ணத்தில் மைதா, உப்பு மற்றும் பேக்கிங் பவுடரை நீரில் கரைத்து வைத்துக் கொள்ளவும்.
* ஃப்ரிட்ஜில் இருந்து சிக்கனை எடுத்து, அதில் உள்ள தயிர் கலவையை முற்றிலும் வடித்து விடவும்.
* ஒரு வாணலியை அடுப்பில் வைத்து, அதில் எண்ணெய் ஊற்றி சூடேற்றவும்.
* பிறகு வடிகட்டிய அந்த சிக்கன் துண்டுகளை மைதா கலவையில் நனைத்து, பிரட் தூளில் பிரட்டி, எண்ணெயில் போட்டு பொன்னிறமாக பொரித்து எடுக்கவும்.
* பின் பொரித்த சிக்கனை ஒரு தட்டில் வைத்து அதன் மேல் மிளகுத்தூளைத் தூவி பரிமாறவும்.
* வேண்டுமென்றால் அதன் மேல் எலுமிச்சைபழச்சாற்றை பிளிந்தும் சாப்பிடலாம்.
* இப்போது சுவையான ஃபிங்கர் சிக்கன் ரெடி!!!
* இந்த ஃபிங்கர் சிக்கனை சாஸோடு தொட்டு சாப்பிட்டால் மிகவும் அருமையாக இருக்கும்.