த்தான கேழ்வரகை வைத்து வித்தியாசமான சத்தான உணவுகளை செய்யலாம். இன்று கேழ்வரகு சேமியாவை வைத்து சூப்பரான பிரியாணி செய்து எப்படி என்று பார்க்கலாம்.
சூப்பரான கேழ்வரகு சேமியா வெஜிடபிள் பிரியாணி
தேவையான பொருட்கள் :
ராகி சேமியா – ஒரு கப்,
பச்சைப் பட்டாணி – 50 கிராம்,
பீன்ஸ் – 10
கேரட் – 1
தக்காளி – ஒன்று
பெரிய வெங்காயம் – ஒன்று
கொத்தமல்லித்தழை, புதினாத்தழை – சிறிதளவு
பட்டை – சிறிய துண்டு,
சோம்பு – அரை டீஸ்பூன்,
பிரிஞ்சி இலை – ஒன்று,
பிரியாணி மசாலாத்தூள் – ஒரு டீஸ்பூன்,
பச்சை மிளகாய் – 3
பூண்டு – 6 பல்,
மஞ்சள்தூள் – ஒரு சிட்டிகை,
ஏலக்காய் – 2,
நல்லெண்ணெய், உப்பு – தேவையான அளவு.
செய்முறை:
* வெங்காயம், கேரட், பீன்ஸ், தக்காளி, ப.மிளகாய், கொத்தமல்லியை பொடியாக நறுக்கி கொள்ளவும்.
* சேமியாவை வெறும் கடாயில் போட்டு சிறிது வதக்கி கொள்ளவும்.
* வாணலியில் நல்லெண்ணெய் விட்டு, காய்ந்ததும் பட்டை, ஏலக்காய், சோம்பு, பூண்டு, பிரிஞ்சி இலை போட்டு தாளித்த பின் வெங்காயம், பச்சை மிளகாயை சேர்த்து வதக்கவும்.
* வெங்காயம் நன்றாக வதங்கியதும் தக்காளியை சேர்த்து வதக்கவும்.
* தக்காளி நன்றாக வதங்கியதும் அதில் பச்சைப் பட்டாணி, பீன்ஸ், கேரட், புதினா, மஞ்சள்தூள் சேர்த்து மேலும் வதக்கவும்.
* காய்கறிகள் சற்று வதங்கியதும் இதில் 2 கப் நீர் விட்டு, பிரியாணி மசாலாத்தூள், உப்பு சேர்த்து, சிறிதளவு நல்லெண்ணெய் விடவும் (இதனால் சேமியா உதிர் உதிராக வேகும்).
* தண்ணீர் கொதிக்க ஆரம்பித்தவுடன் ராகி சேமியாவைப் போட்டு கிளறி, வெந்ததும் கொத்தமல்லித்தழை தூவி இறக்கி பரிமாறவும்.
* சூப்பரான ராகி சேமியா பிரியாணி ரெடி.