வாய், வயிற்றுப்புண் இருப்பவர்கள் மணத்தக்காளிக்கீரையை அடிக்கடி உணவில் சேர்த்து கொள்ள வேண்டும். இன்று மணத்தக்காளிக்கீரை பொரியல் செய்வது எப்படி என்று பார்க்கலாம்.
வயிற்று புண்ணை குணமாக்கும் மணத்தக்காளிக்கீரை பொரியல்
தேவையான பொருட்கள் :
மணத்தக்காளிக்கீரை – ஒரு கட்டு,
வெங்காயம் – 2
தேங்காய் துருவல் – 2 டீஸ்பூன்,
கடுகு, உளுந்தம்பருப்பு, – தலா ஒரு டீஸ்பூன்,
காய்ந்த மிளகாய் – ஒன்று,
எண்ணெய், உப்பு – தேவையான அளவு.
செய்முறை :
* வெங்காயத்தை பொடியாக நறுக்கி கொள்ளவும்.
* மணத்தக்காளி கீரையை நன்றாக சுத்தம் செய்து பொடியாக நறுக்கி கொள்ளவும்.
* வாணலியில் எண்ணெய் விட்டு சூடானதும் கடுகு, உளுந்தம்பருப்பு, காய்ந்த மிளகாய் போட்டு தாளித்த பின், வெங்காயம் சேர்த்து வதக்கவும்.
* வெங்காயம் நன்றாக வதங்கியதும் நறுக்கிய கீரையை சேர்த்து வதக்கவும்.
* கீரை நன்றாக வெந்ததும் கடைசியாக இறக்கும் போது தேங்காய் துருவல், உப்பு சேர்த்து நன்றாக கிளறி இறக்கவும்.
* சூப்பரான மணத்தக்காளிக்கீரை பொரியல் ரெடி.