டயட்டில் இருப்பவர்கள், சர்க்கரை நோயாளிகள் கம்பு, வெஜிடபிள் சேர்த்து சப்பாத்தி செய்து சாப்பிடலாம். இப்போது கம்பு வெஜிடபிள் சப்பாத்தி செய்வது எப்படி என்று பார்க்கலாம்.
ஆந்திரா ஸ்பெஷல் கம்பு வெஜிடபிள் சப்பாத்தி
தேவையான பொருள்கள் :
கம்பு மாவு – 1 கப்
பச்சை மிளகாய் – 3
கறிவேப்பிலை – 1 கொத்து
முட்டை கோஸ் – 100 கிராம்
கேரட் – 2
உருளைக்கிழங்கு – 1
கரம்மசாலா தூள் – அரை ஸ்பூன்
எண்ணெய் – தேவையான அளவு
உப்பு – தேவையான அளவு
பால் – அரை கப்
செய்முறை :
* முட்டைகோஸ், கேரட், உருளைக்கிழங்கை, கேரட் துருவிக் கொள்ளவும்.
* பச்சை மிளகாயை பொடியாக நறுக்கி கொள்ளவும்.
* ஒரு பாத்திரத்தில் கம்பு மாவை போட்டு அதில் உப்பு, துருவிய காய்கறிகள், கரம்மசாலா தூள், பால், ப.மிளகாய், போட்டு சப்பாத்தி மாவு பதத்துக்கு பிசைந்து அரை மணி நேரம் ஊறவிடவும்.
* பிரைந்து வைத்துள்ள மாவை சிறு உருண்டைகளாக உருட்டி சப்பாத்திகளாக தேய்த்து வைக்கவும்.
* தோசைக்கல்லை அடுப்பில் வைத்து சூடானதும் தேய்து வைத்த சப்பாத்தியை போட்டு சுற்றி எண்ணெய் விட்டு வெந்ததும் திருப்பி போட்டு வேகவிட்டு எடுங்கள்.
* ஆந்திரா ஸ்பெஷல் கம்பு வெஜிடபிள் சப்பாத்தி ரெடி.