வெங்காய ரவா தோசை செய்முறை, உணவக முறையில் வெங்காய ரவா தோசை செய்முறை

நான் எண்ணெயில், கடுகு, சீரகம் மற்றும் கறிவேப்பிலி இலைகளை வறுத்து தோசை தோசை மாவுடன் கலந்து கொள்வேன். இப்படி செய்வதால் தோசை ஒரு நல்ல சுவையோடு இருப்பதொடு, மேலும் இந்த தோசை தயாராக 5 நிமிடங்களுக்கு மேல் எடுத்துக் கொள்ளாது.

தோசை மாவு செய்ய‌, நீங்கள் தண்ணீர் அல்லது மோர் பயன்படுத்தவும். சில நேரங்களில் நான் தண்ணீர் பயன்படுத்துவேன் மற்றும் சில நேரங்களில் மோர் பயன்படுத்துவேன் மாவு தயாரிக்க. இந்த இரண்டு வழிமுறையும் வெங்காய ரவா தோசைக்கு நல்ல சுவையை தருகிறது. மசாலா, மூலிகைகள் போன்றவற்றை இந்த தோசையில் சேர்ப்பதாலும் மேலும் நல்ல சுவையை தருகிறது. மறக்காமல் இதனுடன் வெங்காயத்தினை சேர்த்துக் கொள்ளவும்.
இது உணவக‌ பாணியிலான‌ வெங்காய ரவா தோசை – இதற்கு தேங்காய் சட்னி அல்லது காய்கறி சாம்பார் பரிமாறுவதற்கு  சிறந்தது.

ஒன்றன் பின் ஒன்றாக எப்படி உணவக‌ பாணியில் வெங்காய ரவா தோசை செய்முறையை கீழே பார்க்கலாம்:
1. தோசைக்கு தேவையான அனைத்து பொருட்களையும் ஒன்றாக கலந்து கொள்ளவும், அதாவது ரவை, அரிசி மாவு, மைதா, வெங்காயம், பச்சை மிளகாய், இஞ்சி, நசுக்கிய கருப்பு மிளகு இவை அனைத்தையும் ஒன்றாக கலந்து கொள்ளவும்.
2. ஒரு சிறிய கடாயில் 1 தேக்கரண்டி எண்ணெய் ஊற்றி சூடுபடுத்திக் கொள்ளவும். இதில் முதலில் கடுகை போடு தாளித்துக் கொள்ளவும், பின்னர், சீரகம், கருவேப்பிலை சேர்த்து சீரகம் பொன்னிறமாகும் வரை ஒரு சில நொடிகள் சமைக்கவும்.
3. இந்த பொருட்களை எண்ணெய் சேர்த்து, கலக்கி வைத்துள்ள தோசை மாவுடன் சேர்க்கவும், தேவையான அளவு உப்பையும் சேர்க்கவும்.
4. நீர் அல்லது மோரை இதில் ஊற்றி எந்தவித‌ கட்டிகளும் இல்லாமல் நன்கு நீர்த்த நிலையில் இருக்கும் படி கலக்கிக் கொள்ளவும், கெட்டியாகவும், நடுத்தர நிலையிலும் இருக்க கூடாது. நான் இதற்கு 2 கப் மற்றும் ¼ கப் தண்ணீர் சேர்த்து கலந்து கொண்டேன். மாவு மிகவும் நீர்த்து இருந்தால், சிறிதளவு அரிசி மாவு சேர்த்து கரைத்து கொள்ளலாம். வெங்காய ரவா தோசை மாவை 15 முதல் 20 நிமிடங்கள் வரை ஊற வைக்கவும்.
5. தவா அல்லது நான் ஸ்டிக் தோசை கல்லை சூடுபடுத்திக் கொள்ளவும். ஒரு சிறிய துணி அல்லது காகித துண்டு அல்லது பாதி வெங்காயத்தினை பயன்படுத்தி எண்ணெயில் நனைத்துக் கொண்டு … தவாவின் மீது பூசவும்.
6. ஒரு கரண்டியால் தோசை மாவை தவாவின் வெளிப்புற‌ விளிம்பில் இருந்து தொடங்கி உட்புறமாக தோசையை வார்க்கவும்.
7. வெளிபுறத்தில் இருந்து மையத்தை நோக்கி மெதுவாக ஊற்றிக் கொண்டு வந்து முழுவதுமாக தோசையை இடைவெளி இல்லாமல் நிரப்பவும்.
8. தோசையுன் மீது ½ ஸ்பூன் எண்ணெய் ஊற்றவும். ரவா தோசை நன்கு வேக, வழக்கமான தோசையை விட சிறிது அதிக நேரம் எடுத்துக் கொள்ளும். நீங்கள் வெங்காய ர‌வா தோசை மாவை ஊற்றும் முன் தவா நன்கு சூடாகி இருக்க வேண்டும்.
9. தோசையின் அடிப்பாகம் பொன்னிறமாகவும் முறுகலாகவும் மாறும் வரை காத்திருக்கவும். தோசையை திருப்பி போட்டு அடுத்த பக்கமும் வேக வைக்கவும். வழக்கமாக நான் இரண்டு பக்கவும் வேக வைப்பேன். ஆனால் நீங்கள் மேல்பாகத்தினை மட்டும் வேக வைத்தால் போதும், அடிப்பாகமும் அதே நேரத்தில் வெந்து விடும். மேல் பாகம் வெந்தவுடன் உடனடியாக தோசையை அப்படியெ மடித்து உடனே பரிமாறவும். இதே மாதிரி அனைத்து தோசைகளையும் சுட்டு எடுக்கவும். ரவையும், மாவும் அப்படியே மாவின் அடிப்பகுதியில் தங்கி விடும். எனவே ஒவ்வொரு தடவை தோசை வார்க்கும் போதும், தோசை மாவை நன்கு கலக்கி சுடவும். சில தோசைகள் சுட்டவுடன் மாவானது கெட்டியாகி விட்டால் நீங்கள் தேவையான அளவு தண்ணீர் சேர்த்து கலக்கி சுடவும்.
10. தேங்காய் சட்னி அல்லது காய்கறி சாம்பாருடன் சேர்த்து சூடான வெங்காய ரவா தோசையை பரிமாறவும்.