முருங்கைக்கீரையில் அதிகளவு சத்துக்கள் நிறைந்துள்ளது. முருங்கைக்கீரை சாப்பிடாத குழந்தைகளுக்கு இப்படி வடை போல் செய்து கொடுக்கலாம்.
சூப்பரான முருங்கைக்கீரை வடை செய்வது எப்படி
தேவையான பொருட்கள் :
புழுங்கல் அரிசி – கால் கப்
உளுந்து – அரை கப்
ஆய்ந்த முருங்கை இலை – 1 கைப்பிடி
எள் – 1 டீஸ்பூன்
எண்ணெய் – தேவைக்கு
பெரிய வெங்காயம் – 1
பச்சைமிளகாய் – 2
உப்பு – தேவையான அளவு
செய்முறை :
* உளுந்து, அரிசியை ஊற வைத்து, ஊறியதும் கெட்டியாக அரைத்து கொள்ளவும்.
* முருங்கைக்கீரையை நன்றாக கழுவி சுத்தம் செய்து வைக்கவும்
* வெங்காயம், ப.மிளகாயை பொடியாக நறுக்கி கொள்ளவும்.
* அரைத்த மாவில் முருங்கை இலை, உப்பு, எள், ப.மிளகாய், வெங்காயத்தை போட்டு நன்றாக கலந்து கொள்ளவும்.
* கடாயில் எண்ணெய் ஊற்றி சூடானதும் அதில் மாவை சிறு உருண்டையாக உருட்டி வடை போல் தட்டி, போட்டு பொரித்து எடுக்கவும்.
* சுவையான முருங்கைக்கீரை வடை ரெடி.
* இது இரும்புச்சத்தும், புரதச்சத்தும் நிறைந்தது. கீரை சாப்பிடாத குழந்தைகள்கூட விரும்பிச் சாப்பிடுவார்கள். 