மாலையில் பள்ளி முடிந்து வீட்டிற்கு வரும் குழந்தைகளுக்கு பிடித்தவாறு இனிப்பான சுவையில் போண்டா செய்து கொடுத்தால், குழந்தைகள் விரும்பி சாப்பிடுவார்கள்.
மாலை நேர ஸ்நாக்ஸ் சீஸ் வாழைப்பழ போண்டா
தேவையான பொருட்கள் :
சீஸ் – 1 கப் (துருவியது)
கனிந்த வாழைப்பழம் – 4 (மசித்தது)
கோதுமை மாவு – 1 கப்
மைதா – 1/2 கப்
சீரகப் பொடி – 1/2 டீஸ்பூன்
மிளகு தூள் – தேவையான அளவு
தயிர் – 2 டேபிள் ஸ்பூன்
சர்க்கரை – 5 டேபிள் ஸ்பூன்
சோடா மாவு – ஒரு சிட்டிகை
எண்ணெய் – தேவையான அளவு
செய்முறை :
* முதலில் ஒரு பௌலில் வாழைப்பழம், துருவிய சீஸ், கோதுமை மாவு, மைதா மாவு, மிளகு தூள், சீரகப் பொடி, தயிர், சோடா மாவு, சர்க்கரை சேர்த்து, வேண்டுமெனில் சிறிது தண்ணீர் ஊற்றி, போண்டா பதத்திற்கு பிசைந்து, 2 மணிநேரம் மூடி ஊற வைக்க வேண்டும்.
* ஒரு கடாயை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பிசைந்து வைத்துள்ள போண்டா மாவை உருண்டை பிடித்து, எண்ணெயில் போட்டு பொன்னிறமாக பொரித்து சூடாக பரிமாறவும்.
* இப்போது சுவையான சீஸ் வாழைப்பழ போண்டா ரெடி!!!