மாலை நேரத்தில் இந்த தேங்காய் பால் பணியாரம் சாப்பிட சூப்பராக இருக்கும். இதை எப்படி செய்வது என்று பார்க்கலாம்.
மாலை நேர ஸ்நாக்ஸ் தேங்காய் பால் பணியாரம்
தேவையான பொருட்கள் :
பச்சரிசி – அரை கப்
உளுந்து – அரை கப்
தேங்காய் – ஒன்று
பால் – ஒரு டம்ளர்
ஏலக்காய் – 1 சிட்டிகை
சர்க்கரை – தேவையான அளவு
எண்ணெய் – பொரிக்க
செய்முறை :
* உளுந்து மற்றும் அரிசியை ஒன்றாக சேர்த்து 2 மணி நேரம் ஊற வைத்து வடை மாவு பதத்திற்கு (தண்ணீர் ரொம்ப சேர்க்காமல்) அரைக்கவும்.
* அரைத்து வைத்து இருக்கும் மாவில் ஒரு சிட்டிகை சமையல் சோடா, சிறிது உப்பு சேர்த்து நன்றாக கலந்து வைக்கவும்.
* தேங்காயை துருவி தேங்காய் பால் எடுத்து வைத்து கொள்ளவும்.
* ஒரு பாத்திரத்தில் தேங்காய் பால், அதனுடன் பால், ஏலக்காய் தூள், ருசிகேற்ப சர்க்கரை சேர்த்து நன்றாக கலந்து வைக்கவும்.
* கடாயை அடுப்பில் வைத்து சூடானதும் மாவை சிறு சிறு உருண்டைகளாக எண்ணெயில் போட்டு பொன்னிறமாக வறுத்து, தனியாக எடுத்து வைக்கவும்..
* பரிமாறும் பொழுது தேவையான அளவு பணியாரத்தை எடுத்து ஒரு கப்பில் போட்டு அதில் தேங்காய் பால் சேர்த்து பரிமாறவும்.
* தித்திப்பான தேங்காய் பால் பணியாரம் ரெடி."