குழிப்பணியாரத்தில் கீரை, காய்கறிகளை போட்டு செய்தால் சுவையாக இருக்கும். இப்போது பாலக்கீரை போட்டு குழிப்பணியாரம் செய்வது எப்படி என்று பார்க்கலாம்.
பாலக்கீரை குழிப்பணியாரம் செய்வது எப்படி
தேவையான பொருட்கள் :
இட்லிமாவு – ஒரு கப்
பாலக் கீரை – அரை கட்டு
தாளிக்க :
எண்ணெய் – ஒரு மேசைக்கரண்டி
முந்திரி – 6 (பொடியாக நறுக்கி கொள்ளவும்)
வெங்காயம் – ஒன்று
பச்சைமிளகாய் – இரண்டு
கறிவேப்பிலை – சிறிது
செய்முறை :
* பாலக்கீரையை பொடியாக நறுக்கி சுத்தம் செய்துக் கொள்ளவும்.
* வெங்காயம், ப.மிளகாயை பொடியாக நறுக்கி கொள்ளவும்.
* வாணலியில் எண்ணெய் ஊற்றி காய வைத்து முந்திரி போட்டு வறுத்த பின் வெங்காயம், பச்சைமிளகாய், கறிவேப்பிலை சேர்த்து வதக்கவும்.
* அடுத்து பாலக்கீரை உப்பு சேர்த்து வதக்கி 5 நிமிடம் வேக வைத்த பின் தாளித்த கலவையை இட்லி மாவில் சேர்த்து நன்றாக கலக்கவும்.
* குழிப்பணியார சட்டியை அடுப்பில் வைத்து சூடானதும் சிறிது எண்ணெய் விட்டு மாவை ஊற்றி, தீயின் தனலை சிம்மில் வைத்து மூடி போட்டு வேக விடவும்.
* ஒரு பக்கம் வெந்ததும் திருப்பி போட்டு சிறிது எண்ணெய் விட்டு வேக விடவும்.
* சுவையான பாலக் குழிப்பணியாரம் ரெடி.
* கொத்தமல்லி துவையலுடன் சாப்பிட அருமையாக இருக்கும்.