37.9 C
Chennai
Sunday, Jun 29, 2025
201606031050195657 manathakkali keerai masiyal SECVPF
சைவம்

மண‌த்தக்காளி கீரை மசியல் செய்முறை விளக்கம்

இக்கீரை கொஞ்சம் கசப்பாகத்தான் இருக்கும். வயிற்றுப் புண், வாய்புண் சரியாக இந்த கீரையை அடிக்கடி உணவில் சேர்த்து கொள்ளலாம்.

மண‌த்தக்காளி கீரை மசியல் செய்முறை விளக்கம்
தேவையான பொருட்கள் :

மணத்தக்காளி கீரை – ஒரு கட்டு
உடைத்த பச்சைப் பருப்பு – ஒரு கைப்பிடி
பச்சை மிளகாய் – 2
பூண்டுப்பல் – 8
சின்னவெங்காயம் – 50 கிராம்
தக்காளி – சிறியது 1
உப்பு – தேவைக்கு

தாளிக்க :

நல்லெண்ணெய்
கடுகு
உளுந்து
காய்ந்த மிளகாய்
பெருங்காயம்

செய்முறை :

* கீரை சுத்தம் செய்து இலைகளை மட்டும் ஆய்ந்து வைக்கவும்.

* சின்ன வெங்காயத்தை தோல் உரித்து நறுக்கி கொள்ளவும். தக்காளியை நறுக்கி கொள்ளவும்.

* பச்சைப்பருப்பை நன்றாக கழுவி அடிகனமான ஒரு சட்டியில் போட்டு வேகுமளவு தண்ணீர் ஊற்றி துளி மஞ்சள்தூள், பெருங்காயம், ஓரிரு சொட்டுகள் நல்லெண்ணெய் விட்டு வேக விடவும்.

* பருப்பு பாதி வெந்து வரும்போது பச்சை மிளகாய், சின்ன வெங்காயம், தக்காளி, 5 பூண்டு சேர்த்து வேகவிடவும்.

* அடுத்து அதில் கீரையைப் போட்டு துளி உப்பு போட்டு மூடி போடாமல் வேக வைக்க்வும். மூடினால் கீரையின் அழகான பச்சை நிறம் காணாமல் போய்விடும்.

* இடையில் ஓரிரு முறை கிண்டி விடவும். இல்லையென்றால் அடியில் உள்ள கீரை குழைந்தும், மேலே உள்ளது வேகாமலும் இருக்கும்.

* கீரை வெந்ததும் அடுப்பில் இருந்து இறக்கி மண் சட்டியில் போட்டு சூடாக இருக்கும் போதே கடைந்துவிடலாம்.

* கடாயை அடுப்பில் வைத்து சிறிது நல்லெண்ணெய் ஊற்றி தாளிக்க கொடுக்கப்பட்டுள்ள பொருட்களை போட்டு கடைசியில் பூண்டுப்பல்லை (பூண்டை கொரகொரப்பாக தட்டி கொள்ளவும்) போட்டு வதக்கிக் கீரை மசியலில் கொட்டி நன்றாக கிளறி இறக்கவும்.

* சத்தான கீரை மசியல் ரெடி.

* சூடான சாதத்துடன் சுவையாக இருக்கும். தொட்டுக்கொள்ள உருளை அல்லது வாழைக்காய் அல்லது சேப்பங்கிழங்கு போன்றவற்றுடன் அப்பளம் அல்லது வத்தல் பொரித்து சாப்பிடலாம்.201606031050195657 manathakkali keerai masiyal SECVPF

Related posts

பல கீரை மண்டி

nathan

மாலை நேர ஸ்நாக்ஸ் வெண்டைக்காய் சிப்ஸ்

nathan

டொமேட்டோ சால்னா

nathan

வெண்டைக்காய் வத்தக்குழம்பு

nathan

அசத்தலான சுவையில் இஞ்சி குழம்பு

nathan

சிறுகிழங்கு பொரியல்

nathan

மீல் மேக்கர் கிரேவி செய்முறை விளக்கம்

nathan

குழந்தைகளுக்கு விருப்பமான நெய் சாதம்

nathan

மஷ்ரூம் பிரியாணி

nathan