பிரேம்ஜியும் அவரது மனைவியும் இசைஞானி இளையராஜாவை நேரில் சந்தித்து ஆசி பெறும் புகைப்படம் தற்போது சமூக வலைதளங்களில் அதிகம் பகிரப்பட்டு வருகிறது.
சென்னை,
இயக்குநர், நடிகர், இசையமைப்பாளர், பாடலாசிரியர் எனப் பல பன்முகத்தன்மை கொண்ட தமிழ்த் திரைப்பட இசைஞானி இளையராஜாவின் தம்பியான கங்கை அமரன் அவர்களுக்கு வெங்கட் பிரபு, பிரேம்ஜி என இரு மகன்கள் உள்ளனர். நடிகர், இசையமைப்பாளர், பாடகர் என பன்முகத் திறமை கொண்டவர் பிரேம்ஜி. ‘சென்னை 600028 – 1 மற்றும் 2, கோவா, சரோஜா, சந்தோஷ் சுப்ரமணியம், மங்காத்தா, மாநாடு’ என பல படங்களில் நடித்துள்ளார்.
இந்நிலையில் நடிகர் பிரேம்ஜி திருத்தணி முருகன் கோவிலில் எளிமையான முறையில் திருமணம் செய்து கொண்டார். இவ்விழாவில் இரு குடும்பத்தினரின் நெருங்கிய உறவினர்கள் மட்டுமே கலந்து கொண்டனர். நடிகர்கள் ஜெய், வைபவ், பாடகர் கிரிஷ் உள்ளிட்டோர் பங்கேற்றனர்.
பிரேம்ஜியின் திருமணத்தில் இசைஞானி இளையராஜா கலந்து கொள்ளவில்லை. இந்நிலையில் பிரேம்ஜி தனது மனைவியுடன் இசைஞானி இளையராஜாவை நேரில் சந்தித்து ஆசி பெற்றதாக செய்திகள் வெளியாகியுள்ளன. மேலும், பிரேம்ஜி மற்றும் அவரது மனைவி இளையராஜாவின் படங்கள் தற்போது சமூக வலைதளங்களில் பகிரப்பட்டு வருகிறது.