நடிகர்கள் விஜய் தேவரகொண்டாவுக்கும், ராஷ்மிகா மந்தனாவுக்கும் நிச்சயதார்த்தம் நடந்துள்ளதாகவும், இவர்களின் நிச்சயதார்த்தம் குறித்து நேற்று முதல் செய்திகள் வெளியாகி வருகின்றன.
இந்திய மொழி படங்களில் முன்னணி நடிகையாக வலம் வருபவர் ராஷ்மிகா. இவரும் விஜய் தேவரகொண்டாவும் காதலிப்பதாக எல்லா தரப்பிலிருந்தும் கிசுகிசுக்கள் வந்துகொண்டிருக்கின்றன.
கீதா கோவிந்தம் படத்தில் முதல் முறையாக ஜோடி சேர்ந்த நடித்திருந்தார்கள். டியர் காம்ரேட் படத்திலும் இந்த ஹிட் ஜோடி இணைந்தது.
சமீபத்தில், தம்பதியர் மாலத்தீவில் விடுமுறையில் இருக்கும் படங்களும், இருவரும் ஒரே வீட்டில் ஒரு சுபநிகழ்ச்சியைக் கொண்டாடும் படங்களும் இணையத்தில் வைரலானது.
இந்நிலையில், இருவரின் திருமணத்துக்கு குடும்பத்தினர் சம்மதம் தெரிவித்துள்ளதாகவும், பிப்ரவரி இரண்டாவது வாரத்தில் நிச்சயதார்த்தம் செய்ய இருப்பதாகவும் நேற்று முதல் செய்திகள் வெளியாகி வருகின்றன.
இந்நிலையில் இது குறித்து விஜய் தேவரகொண்டாவின் குடும்பத்தினர் விளக்கம் அளித்துள்ளனர்.
எனவே, இந்த செய்திகள் அனைத்தும் பொய்யானவை என மறுத்த அவர்கள், இன்றுவரை அப்படி எந்த முடிவும் நடவடிக்கையும் எடுக்கப்படவில்லை என்றும் தெரிவித்தனர்.