பாலிவுட் நடிகர் வித்யுத் ஜம்வாலின் இமயமலை பயணத்தின் நிர்வாண புகைப்படங்கள் வைரலாகி சர்ச்சையை ஏற்படுத்தி வரும் நிலையில், மற்றொரு சர்ச்சையும் எழுந்துள்ளது.
‘துப்பாக்கி’, ‘பில்லா 2’ மற்றும் ‘அஞ்சான்’ படங்களின் மூலம் தமிழில் பிரபலமடைந்தவர் நடிகர் வித்யுத் ஜம்வால். இமயமலையில் நடந்த தனது 43வது பிறந்தநாள் கொண்டாட்டத்தின் புகைப்படங்களை அவர் தனது இன்ஸ்டாகிராம் பக்கத்தில் பதிவிட்டுள்ளார். அவரது நிர்வாண புகைப்படங்கள் வெளியாகி பரபரப்பை ஏற்படுத்தியது. மேலும், அந்த பதிவில், “நான் இமயமலைக்கு சென்றேன். ஒவ்வொரு வருடமும் 7 முதல் 10 நாட்கள் தனியாகக் கழிப்பது என் வாழ்க்கையின் ஒரு அங்கமாகிவிட்டது,” என்று பலவிதமான விஷயங்களைப் பகிர்ந்துகொண்டார். இந்நிலையில், அவர் பகிர்ந்துள்ள புகைப்படம் ஒன்றில் காட்டுத்தீயை மூட்டி நூடுல்ஸ் சமைப்பது போல் காட்சியளிக்கிறது. அடர்ந்த வனப்பகுதியில் தீ வைத்து நூடுல்ஸ் பைகள் அடங்கிய பிளாஸ்டிக் கவர்களை வீசியதால் பரபரப்பு ஏற்பட்டுள்ளது. இதற்கு சுற்றுச்சூழல் ஆர்வலர்கள் உட்பட பலர் கண்டனம் தெரிவித்துள்ளனர்.
இது தொடர்பாக, சுற்றுச்சூழல் ஆர்வலர் ஒருவர் தனது எக்ஸ் தள பக்கத்தில் எழுதியிருப்பதாவது: முதலாவதாக, வனப் பகுதிகளில் தீ வைப்பது இந்திய வனச் சட்டம், 1927ன் படி குற்றமாகும். இரண்டாவது பாலித்தீன் பையில் மேகியை எடுத்துச் செல்வது சுற்றுச்சூழலுக்கு உகந்ததல்ல. மூன்றாவது, நீங்கள் உண்மையிலேயே தனியாகச் சென்றீர்களா? ” மற்றும் பலர் வித்யுத் ஜம்வாலின் இந்த செயலை விமர்சித்துள்ளனர்.
Big fan of #VidyutJammwal, so it hurts me more.
1st- burning fire in any forest (here it looks like he burnt the tree). It can be an offence under Indian Forest Act 1927 if it’s RF.
2nd- taking maggi in polythene bags is not healthy nor ecofriendly
3rd- are you really alone? https://t.co/9CHKOxpdks
— Debadityo Sinha (@debadityo) December 10, 2023