கர்நாடக மாநிலம் கோலார் மாவட்டம் மலூரைச் சேர்ந்த பூபரசன் மனைவி நந்தினிக்கு மாவட்ட அரசு குழந்தைகள் நல மருத்துவமனையில் ஆண் குழந்தை பிறந்தது. முன்கூட்டிய பிரசவம் காரணமாக மருத்துவமனையில் உள்ள சிறப்பு வார்டில் குழந்தைக்கு சிகிச்சை அளிக்கப்பட்டு வந்தது. வார்டில் இருந்தபோது, அங்கு வந்த மூன்று பெண்கள், குழந்தையை கொஞ்சி விளையாடுவதுபோல் தூக்கிச் சென்று நீண்டநேரமாகியும் வரவில்லை.
பெற்றோர் காவல் நிலையத்தில் புகார் அளித்தபோது, கண்காணிப்பு கேமராவில் பதிவான காட்சிகளை ஆய்வு செய்தனர். மூன்று பெண்கள் குழந்தைகளை பையில் மறைத்து கொண்டு வெளியே சென்றது தெரியவந்தது. கோலார் – தமிழக எல்லையில் போலீசார் இருசக்கர வாகனத்தை நிறுத்தி விசாரித்தபோது, குழந்தை கடத்தப்பட்டது தெரியவந்தது. பின்னர், சுவாதி என்ற பெண்ணை கைது செய்து, குழந்தை பெற்றோரிடம் ஒப்படைக்கப்பட்டது.