திருச்சி மாவட்டம், சாத்தமங்கலம் கிராமத்தைச் சேர்ந்தவர் ஜெகநாதன். இவரது மகள் ராகினி. இவர் கடந்த ஆகஸ்ட் மாதம் பேரன்பரூர் மாவட்டத்தை சேர்ந்த செந்தில் குமாரை பெரியோர்கள் முன்னிலையில் திருமணம் செய்து கொண்டார்.
இந்நிலையில், பேரன்பூரில் இருந்து திருச்சிக்கு தம்பதிகள் இருசக்கரத்தில் வந்துள்ளனர். அங்க ராகினி கிராமத்தில் நடந்த கிடா வெட்டு திருவிழாவில் பங்கேற்றார்.
விருந்து முடிந்து இருவரும் பேரன்பரூர் நோக்கி சென்றனர். திருச்சி எண்.1 சுங்கச்சாவடி அருகே சென்றபோது, திருச்சியில் இருந்து அரியலூர் நோக்கிச் சென்ற லாரி அவர்கள் வாகனம் மீது மோதியது.
இதில் தூக்கி வீசப்பட்ட இருவரும் சம்பவ இடத்திலேயே உயிரிழந்தனர். விபத்து குறித்து தகவல் அறிந்த போலீசார் 2 பேரின் உடல்களையும் மீட்டு பிரேத பரிசோதனைக்கு அனுப்பி வைத்தனர்.
விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.விபத்தை ஏற்படுத்திய லாரி டிரைவர் பிரபாகரனை போலீசார் கைது செய்தனர். புதுமணத் தம்பதிகள் கார் விபத்தில் உயிரிழந்த சம்பவம் உறவினர்கள் மத்தியில் பெரும் சோகத்தை ஏற்படுத்தியது.