தக்காளி துளசி சட்னி

தேவையான பொருட்கள்:

* எண்ணெய் – 3 டேபிள் ஸ்பூன்

* பூண்டு – 6 பல்

* வரமிளகாய் – 6

* தக்காளி – 2 (நறுக்கியது)

* துளசி – ஒரு கையளவு

* புளி – ஒரு துண்டு

* உப்பு – சுவைக்கேற்ப

செய்முறை:

* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், வரமிளகாய் மற்றும் பூண்டு சேர்த்து பொன்னிறமாக வதக்க வேண்டும்.

* பின்னர் அதில் தக்காளியை சேர்த்து நன்கு மென்மையாகும் வரை வதக்க வேண்டும்.

* பின்பு அதில் புளி, உப்பு சேர்த்து நன்கு வதக்க வேண்டும்.

* பிறகு துளசி சேர்த்து நன்கு வதக்கி இறக்கி குளிர வைக்க வேண்டும்.

* நன்கு குளிர்ந்ததும், அதை மிக்சர் ஜாரில் போட்டு நன்கு மென்மையாக அரைத்தால், சுவையான தக்காளி துளசி சட்னி தயார்.