உருளைக்கிழங்கு சாதம்

உருளைக்கிழங்கு சாதம்

தேவையானப் பொருட்கள்:

வேக வைத்த சாதம் – 1 கப்
உருளைக்கிழங்கு – 1
காய்ந்தமிளகாய் – 2
தனியா விதை – 1 டேபிள்ஸ்பூன்
கடலைப்பருப்பு – 1 டீஸ்பூன்
உளுத்தம் பருப்பு – 1 டீஸ்பூன்
பெருங்காயம் – ஒரு சிட்டிகை
மஞ்சள் தூள் – ஒரு சிட்டிகை
எண்ணெய் – 2 டேபிள்ஸ்பூன்
கடுகு – 1/2 டீஸ்பூன்
உப்பு – 1 டீஸ்பூன்
கறிவேப்பிலை – 1 கொத்து
நெய் – 1 டீஸ்பூன்
வெங்காயத்தாள் – சிறிதளவு

செய்முறை:

• வெங்காயத்தாளை பொடியாக நறுக்கி கொள்ளவும்.

• உருளைக்கிழங்கை வேகவைத்து, தோலை உரித்து நடுத்தர அளவு துண்டுகளாக வெட்டிக் கொள்ளவும்.

• வாணலியில் சிறிது எண்ணெய் விட்டு, காய்ந்த மிளகாய், தனியா, கடலைப்பருப்பு, உளுத்தம் பருப்பு, மிளகாய், பெருங்காயம் ஆகியவற்றை வறுத்து எடுத்து, ஆறியவுடன், உப்பு சேர்த்து மிக்சியில் போட்டு பொடி செய்துக் கொள்ளவும்.

• அதே வாணலியில், மீதி எண்ணெய் விட்டு கடுகு, கறிவேப்பிலை போட்டு தாளித்த பின் உருளைக்கிழங்கு துண்டுகளைப் போட்டு கிளறவும்.

• அடுத்து அதில் மஞ்சள் தூள், சிறிது உப்பு, வறுத்து அரைத்த பொடி சேர்த்து நன்றாகக் கிளறி விடவும்.

• கடைசியில் சாதத்தைப் போட்டு, அத்துடன் ஒரு டீஸ்பூன் நெய்யையும் விட்டு, மீண்டும் கிளறி விட்டு வெங்காயத்தாள் தூவி இறக்கவும்.

• சுவையான உருளைக்கிழக்கு சாதம் ரெடி.

• குழந்தைகளுக்கு இந்த சாதம் மிகவும் பிடிக்கும்.