தேவையானவை:
தேங்காய்த் துருவல் – ஒரு கப் (அழுத்தமாக எடுக்கவும்)
சர்க்கரை – ஒரு கப்
தண்ணீர் – கால் கப்
ஃபுட் கலர் (மஞ்சள்) – ஒரு சிட்டிகை
ஏலக்காய்த்தூள் – அரை டீஸ்பூன்
செய்முறை:
எலெக்ட்ரிக் ரைஸ் குக்கர் பாத்திரத்தின் உள்ளே இருக்கும் தட்டை எடுத்துவிட்டு, தேவையானவற்றில் உள்ள எல்லா பொருட்களையும் அதில் போட்டு குக்கரை குக் மோடில் (Cook Mode) வைக்கவும். 2 நிமிடம் கழித்து கிளறிவிட்டு மூடவும். பிறகு அதுவே கீப் வார்ம் மோடுக்கு வரும். மறுபடியும் குக்கரைத் திறந்து கிளறிவிட்டு, மீண்டும் குக் மோடுக்கு மாற்றவும். மறுபடியும் அதுவே சிறிது நேரம் கழித்து கீப் வார்முக்கு வந்துவிடும். திறந்தால், பர்பி கலவை ஈரம் இல்லாமல் இருக்கும். இதை எடுத்து நெய் தடவிய தட்டில் கொட்டி, அழுத்தி சிறிது நேரம் கழித்து துண்டுகள் போடவும். இதையே வெவ்வேறு வண்ணங்களிலும் செய்யலாம்.
