கோடைக்கேற்ற டோனர் என்றும் இதை சொல்லலாம். இதை முகத்தில் மட்டுமல்லாமல் உடல் முழுக்க பயன்படுத்தலாம். சிறந்த டோனராகவும், உடலில் படியும் வியர்வை வாடையை அகற்றவும் வேகமாக செயல்படும். வெட்டிவேர் நாட்டுமருந்து கடைகளில் கிடைக்கும். விலையும் மிகவும் குறைவு என்பதால் இதை எப்போதும் எல்லாரும் பயன்படுத்தலாம் குழந்தகள் முதல் பெரியவர்கள் வரை அனைவருக்குமானது.
கைப்பிடி அளவு வெட்டிவேரை எடுத்து சுத்தம் செய்து கொள்ளவும். ஒரு டம்ளர் நீரை கொதிக்க வைத்து அதில் வெட்டிவேரை சேர்த்து குளிர வைத்து பிறகு வடிகட்டி கொள்ளவும். முகத்தை சுத்தம் செய்ததும் வெட்டிவேர் ஸ்ப்ரே செய்துகொள்ளவும். இதேபோல் காலையும் மாலையும் செய்துவந்தால் சிறந்த டோனராகவும் வியர்வை வாடையும் சேர்ந்து நீங்கும்.
எல்லோருடைய வீட்டிலும் இதன் பயன்பாடு உண்டு. முகத்தில் சிவப்பு தடிப்பு, சரும அலர்ஜி, தொற்று பிரச்சனையை போக்குவதில் இயற்கையாகவே செயல்படுகிறது. வெள்ளை வினிகரில் 5 முதல் 8% வரை அசிட்டிக் அமிலம் உள்ளது. இதை சருமத்துக்கும் கூந்தலுக்கும் கூட பயன்படுத்தலாம்.
எண்ணெய் பசை கொண்ட சருமத்தினர் முகத்துக்கு டோனிங் செய்ய வினிகரை பயன்படுத்தலாம். எண்ணெய் பசையால் பருக்கள் வந்து அவதிப்படுபவர்களுக்கு வெள்ளை வினிகரில் இருக்கும் ஆண்டிமைக்ரோபியல் பண்பு பருக்களை உருவாக்கும் தொற்றை அழித்து பரு வருவதை தடுக்க உதவுகின்றன. இவை உங்கள் சருமத்துவாரத்தை மூடவும், நிறத்தை மேம்படுத்தவும் ஒரே நேரத்தில் செயல்படுகின்றன. பருக்கள் இல்லாதவர்கள் வினிகருடன் சம அளவு ரோஸ் வாட்டர் பயன்படுத்தினால் போதுமானது.
எலுமிச்சை எல்லா காலங்களிலும் கிடைக்ககூடிய விலை குறைந்த ஆனால் ஆரோக்கியம் நிறைந்த பொருள். சருமத்தை இயற்கையாக சுத்தம் செய்ய விரும்புவர்களுக்கு எலுமிச்சை சிறப்பாக உதவும். இவை பெரும்பாலும் எண்ணெய் பசை கொண்ட சருமம் கொண்டவர்களுக்கானது. அனைவரும் பயன்படுத்தலாம் என்றாலும் வறட்சியான சருமத்தைக்கொண்டிருப்பவர்கள் எலுமிச்சையை பயன்படுத்த விரும்பினால் அதிகளவு நீர் சேர்த்து பயன்படுத்த வேண்டும்.
எலுமிச்சையில் இருக்கும் சிட்ரிக் அமிலமானது தோல் பழுப்பு நிறத்தை குறைக்க உதவும். முகத்தில் இருக்கும் கரும்புள்ளிகளையும் அகற்றவும் இவை பயன்படுகிறது. ஒவ்வொரு முறை முகத்தை டோனிங் செய்த பிறகும் மாய்சுரைசர் பயன்படுத்துவதும் அவசியம்.
ஐஸ் க்யூப் டோனர் என்பது சிறப்பான கொண்டிருக்ககூடியவை. கோடையில் முகத்தில் குளிர்ச்சி அதிகரிக்க ஐஸ் க்யூப்பில் நீர் நிரப்புவதற்கு பதிலாக பாதி அளவு பன்னீர் கலந்து ஐஸ்க்யூர் செய்து அதை பயன்படுத்தலாம்.
ஐஸ்க்யூப் உறைந்த பிறகு மெல்லிய துணியில் சுற்றி வட்ட வடிவமாக முகத்தில் தேய்க்க வேண்டும். முகம், கழுத்துப்பகுதியில் நன்றாக தடவினால் சருமத்தையும் இறுக்கும். கூடுதல் பளபளப்பும் கொடுக்கும். இதில் பன்னீருக்கு பதிலாக ஆப்பிள் சீடர் வினிகர் சிறிதளவு சேர்க்கலாம். அதே போன்று கற்றாழை சாறு, எலுமிச்சை சாறு போன்றவற்றையும் பயன்படுத்தலாம்.